வாணி மின்னிதழ்

                                                                         நகர்வலம் எழுத்தாளர் என்றால் வீட்டினுள் இருந்து எழுத முடியுமா என்ன? வயது ஏற ஏற அனுபவங்கள் கடல்நுரைபோல நம்மைத் தொட்டுச் செல்லும்போது பல சிந்தனைகளை எடுத்துச் செல்லும் களமாக மின்னிதழ் இருக்கிறது.  சில வேலைகளின் பொருட்டு நேற்று மெல்ல பஸ்சில் சென்றேன். வழி நெடுக விடுமுறை நாளின் மக்கள் கூட்டம் மகிழ்ச்சியின் விளிம்பைத் தொட்டுப் பார்க்கத்துடித்துக்கொண்டிருந்தது. வழக்கம்போல போதையின் உச்சத்தைத் தொட்ட முப்பது வயது இளைஞன் பஸ்ஸ்டேண்ட் வளாகத்தை திரும்பிப் பார்க்க வைத்துக்கொண்டிருந்தான். நல்லவேளையாக உடலில் முழுமையாகத் துணி இருந்தது. சில நேரங்களில் நான் பயணித்த நாட்களில் அது கூட இல்லாத நிலை பல இடங்களில் பார்த்திருக்கிறேன். அப்போதெல்லாம் நினைப்பேன். ஏனிந்த மது மனிதனை நிலைகுலைய வைக்கிறது? உயிரைக் குடிக்க வைக்கும் மது நமது நாட்டிற்குத் தேவையா என்று...